Դաշնակիցներ+Հայաստան+n <ճկուն ձևաչափով> նիստի մասին

10 դեկտեմբերի, 2012

2012թ. դեկտեմբերի 10-ին աշխատանքային այցով ՆԱՏՕ-ի կենտրոնակայան էր ժամանել ՀՀ արտակարգ իրավիճակների նախարար Արմեն Երիցյանի գլխավորած պատվիրակությունը:

Այցի շրջանակներում նախարար Երիցյանը հանդիպեց ՆԱՏՕ-ի գործողությունների ստորաբաժանման ղեկավար, ՆԱՏՕ-ի Գլխավոր քարտուղարի օգնական, դեսպան Սթիվեն Էվանսի հետ: Հանդիպմանը մասնակցեց ՆԱՏՕ-ում ՀՀ առաքելության ղեկավար, դեսպան Արմեն Եդիգարյանը, ՀՀ արտակարգ իրավիճակների նախարարության Հայաստանի փրկարար ծառայության տնօրենի տեղակալ Նիկոլայ Գրիգորյանը, ՆԱՏՕ-ի Աղետների արձագանքման համակարգման եվրատլանտյան կենտրոնի ղեկավար Գյունտեր Բրեթշնայդերը: Հանդիպման ընթացքում կողմերը քննարկեցին արտակարգ իրավիճակների պլանավորման, ճգնաժամերի կառավարման ոլորտներում ՀՀ-ՆԱՏՕ համագործակցության հարցեր, ՀՀ-ՆԱՏՕ Անհատական գործընկերության գործողությունների ծրագրով նախատեսված արտակարգ իրավիճակների պլանավորման և ճգնաժամերի կառավարման ՀՀ ստանձնած պարտավորությունների կատարման ընթացքը: Նախարար Ա.Երիցյանը հանգամանալից ներկայացրեց Հայաստանի ճգնաժամային կառավարման կենտրոնի ստեղծմանն ուղղված աշխատանքները և ապագա ծրագրերը:

Նույն օրը կայացավ Դաշնակիցներ+Հայաստան+Գործընկերներ <ճկուն ձևաչափով> նիստը, որն իր բնույթով առաջին այս կարգի միոջոցառումն էր նախաձեռնած և կազմակերպած Հայաստանի Հանրապետության կողմից: Նիստին մասնակցեցին Դաշինքի անդամ և Գործընկեր պետությունների շուրջ 40 ներկայացուցիչներ: ՀՀ արտակարգ իրավիճակների նախարար Ա.Երիցյանը հանդես եկավ զեկույցով` ներկայացնելով ՀՀ արտակարգ իրավիճակների նախարարության գործունեությունը և ՀՀ Ճգնաժամային կառավարման կենտրոնի ստեղծման ուղղությամբ կատարված աշխատանքները: Զեկույցի ավարտից հետո ներկաներին ցուցադրվեց կարճատև տեսահոլովակ` նվիրված ՀՀ արտակարգ իրավիճակների նախարարության գործունեությանը: Հանդիպման բուն նպատակն էր հայցել Դաշինքի անդամ և Գործընկեր պետությունների ֆինանսական, տեխնիկական և փորձագիտական օժանդակությունը` ՀՀ Ճգնաժամային կառավարման կենտրոնի ստեղծման աշխատանքները ավարտին հասցնելու համար: Զեկույցին հաջորդեցին մի շարք ներկայացուցիչների /ԱՄՆ, Ռուսաստան, Շվեյցարիա և այլն/ դրվատանքի խոսքերը հայկական կողմի վերջին տարիների կատարած էական աշխատանքի համար և լրացուցիչ հարցեր տրվեցին, որոնց նախարար Ա.Երիցյանը հանգամանալից պատասխանեց:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր