Առաքելության ղեկավար

Ն.Գ. պարոն ԱՐՄԱՆ ԻՍՐԱՅԵԼՅԱՆ

ՆԱՏՕ-ում Հայաստանի Հանրապետության
առաքելության ղեկավար

Ծննդյան թիվը և վայրը՝

Ծնվել է 1970թ.՝ քաղաք Ալավերդի, Հայաստան։

Կրթություն՝

1987 – 1992թթ. Երևանի Պետական hամալսարանի պատմության ֆակուլտետ;

1995թ. Լիդսի համալսարանի Քաղաքական և դիվանագիտական ուսումնասիրությունների կենտրոնի դիվանագիտական դասընթացներ (Լիդս, Միացյալ Թագավորություն);

1997թ. Ջորջ Մարշալի անվան անվտանգության ուսումնասիրությունների կենտրոնի գործադիր դասընթացներ (գերազանցությամբ), Գարմիշ-Պարտենկիրխեն, Գերմանիայի Դաշնային Հանրապետություն);

1998թ. «ՆԱՏՕ-ի դերը խաղաղապահ գործողություններում» դասընթացներ, ՆԱՏՕ-ի Պաշտպանական քոլեջ (Հռոմ, Իտալիա);

1999թ. Մասնագիտացված դասընթացներ «Գիտելիքների կառավարում և դիվանագիտություն», Դիվանագիտական ուսումնասիրությունների միջերկրյածովյան ակադեմիա (Սլիեմա, Մալթա);

2002թ. «Քիմիական զենքի արգելման կոնվենցիայի ազգային կիրարկման գործում ներգրավված անձնակազմի համար նախատեսված դասընթանցեր» (Հաագա, Նիդերլանդներ);

2003թ. Միացյալ Ազգերի Կազմակերպության ապառազմականացման ոլորտի մասնագիտական ծրագիր;

2004թ. «Միջազգային մարդասիրական օժանդակության առաքելությունների ընթացքում քաղաքացիական և ռազմական համակարգման խնդրներին նվիրված ՄԱԿ-ի ուսուցողական վարժանքներ” (Շվարցենբուրգ, Շվեյցարիա);

2005թ. «ԱՊՀ անդամ-երկրների երկակի նշանակության ապրանքների վերահսկողության հարցերով զբաղվող պաշտոնյաների համար մասնագիտացված դասընթացներ», (Տոկիո, Ճապոնիա);

2013թ. «Էներգետիկ անվտանգությունը և միջազգային օրենքը» դասընթացներ, ՄԱԿ/ՄԳԻՄՈ (Մոսկվա, ՌԴ);

2014թ. «Անդրազգային սպառնալիքները ռազմավարական համատեքստում». Գործադիր դասընթացներ, Մերձավոր Արևելքի Հարավային Ասիայի ռազմավարական հետազոտությունների կենտրոն (Վաշինգտոն, ԱՄՆ)։

Աշխատանքային գործունեություն՝

2022թ. ՀՀ ԱԳՆ քարտուղարության խորհրդական;

2018 - 2022թթ. Գործուղվել է ՀՀ Ազգային Ժողովի աշխատակազմ, որպես արտաքին կապերի վարչության պետ;

2018թ. Բելգիայի Թագավորությունում ՀՀ դեսպանություն արտակարգ դեսպանորդ և լիազոր նախարար;

2014 - 2017թթ. Բելգիայի Թագավորությունում ՀՀ դեսպանություն խորհրդական;

2013 - 2014թթ. ՀՀ ԱԳՆ Եվրոպայի վարչության խորհրդական, Եվրոպայի Խորհրդում ՀՀ նախագահության աշխատանքները համակարգող աշխատանքային խմբի անդամ;

2010 - 2013թթ. Չինաստանի Ժողովրդական Հանրապետությունում ՀՀ դեսպանության խորհրդական;

2008 - 2010թթ. ՆԱՏՕ-ի բաժնի վարիչ, ՀՀ ԱԳՆ սպառազինությունների վերահսկման և միջազգային անվտանգության վարչություն;

2005 - 2008թթ. ԱՄՆ-ում ՀՀ դեսպանության խորհրդական;

2002 - 2005թթ. Սպառազինությունների վերահսկման և ոչ-կոնվենցիոնալ խնդիրների բաժնի վարիչ, ՀՀ ԱԳՆ ՍՎՄԱ վարչություն;

1999 - 2002թթ. Հնդկաստանի Հանրապետությունում ՀՀ դեսպանության առաջին քարտուղար;

1998 - 1999թթ. Երկրորդ քարտուղար, ՀՀ ԱԳՆ ՍՎՄԱ վարչության վերիֆիկացիայի և սովորական սպառազինությունների վերահսկման բաժին;

1994 - 1998թթ. ՆԱՏՕ-ի բաժնի կցորդ, ապա երրորդ քարտուղար, ՀՀ ԱԳՆ ռազմաքաղաքական հարցերի վարչություն;

1992 - 1994թթ. Տնօրենի տեղակալ, Օտար լեզուների ուսուցման մասնավոր կենտրոն։

2022թ. մայիսի 6-ին ՀՀ նախագահի հրամանագրով նշանակել է Հյուսիս-Ատլանտյան պայմանագրի կազմակերպությունում Հայաստանի Հանրապետության առաքելության ղեկավար (նստավայրը՝ Բրյուսել):

Օտար լեզուների իմացություն՝

ռուսերեն, անգլերեն։

Դիվանագիտական աստիճան՝

արտակարգ դեսպանորդ և լիազոր նախարար։

Ընտանեկան կարգավիճակ՝

ամուսնացած է, ունի դուստր և որդի:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր